«Հայաստանի Բրիտանական դպրոցը» եզակի դպրոց է Հայաստանում, որն առաջարկում է միջազգային չափանիշներին համապատասխանող ժամանակակից կրթություն: Մեր բոլոր աշակերտները հնարավորություն ունեն ստանալու բրիտանական ավարտական վկայական` Ա մակարդակի (A-level)-ի ատեստատ, որը ճանաչված է աշխարհի առաջատար համալսարանների կողմից և շրջանավարտներին հնարավորություն կտա հետագա կրթությունը շարունակել համաշխարհային բարձրակարգ կրթական հաստատություններում:

 Զբաղեցնելով ոչ լրիվ ուսումնական օր` մենք հնարավորություն ենք տալիս աշակերտներին զուգահեռաբար սովորել հանրակրթական դպրոցում՝ լրացնելով դասավանդվող առարկաները և ծրագիրը: Առանց ընտանիքից և ծանոթ միջավայրից անջատվելու` երեխան կարողանում է ամենաարդյունավետ ձևով ընկալել և զարգացնել իր գիտելիքները: 
Մենք հավատում ենք, որ հարկավոր է ստեղծել հարմարավետ կրթական միջավայր, որում երեխաները կարող են բացահայտել իրենց թաքնված բոլոր տաղանդները և առավելագույնին հասցնել իրենց ուժեղ կողմերը: