Ընկերություններ
Տուրիզմ, Հյուրանոցներ
«ՊարկԱվենյու» հյուրանոցը բացել է հյուրընկալ դռները բարձրաճաշակ հանգիստը նախընտրողների համար: Այն հեռու է քաղաքի աղմկոտ կենտրոնից:
Բանկեր, Ֆինանսներ
«Ինեկոբանկ» ՓԲԸ-ն հանդիսանում է Հարավային Կովկասի առաջատար բանկերից մեկը և մատուցում է համալիր բանկային ծառայություններ անհատներին, ՓՄՁ և խոշոր կազմակերպություններին՝ սպասարկելով ավելի քան 500,000 հաճախորդի Հայաստանում։ Հիմնադրվել է 1996 թվական փետրվարի 7-ին (ՀՀ ԿԲ Բանկային արտոնագիր # 68) հայ գործարարներ Ավետիս Բալոյանի, Կարեն Սաֆարյանի և նրանց այլ գործընկերների կողմից։ Իր գոյության ողջ ժամանակահատվածում Բանկը միշտ կարևորել է նորարությունները՝ մշակելով և իր հաճախորդներին մատուցելով ոլորտի առաջատար և ժամանակակից բանկային լուծումներ։
Առողջապահություն
«Ալֆա Ֆարմ» դեղագործական ընկերությունը հիմնադրվել է 1996 թ.-ին: Ներկայումս ընկերությունը զբաղեցնում է առաջատար դիրք Հայաստանի դեղագործական շուկայում և շուրջ 24 տարի հաջողությամբ զբաղվում է դեղամիջոցների ներկրմամբ, մեծածախ և մանրածախ առևտրով:
Արտադրություն
«Արփի Սոլար» ընկերությունը հիմնադրվել է 2012թ-ին և հաստատել է առաջատարի իր դիրքը Հայաստանի արևային էներգետիկայի ոլորտում՝ առաջարկելով արևային ջերմային և ֆոտովոլտային համակարգեր, էներգաարդյունավետ լուծումներ: «Արփի» արևային համակարգերը լայնորեն կիրառվում են առանձնատներում, բնակարաններում և բիզնես ոլորտում: Մեզ հետ Դուք կարող եք ծանոթանալ արևային էներգիայի միջոցով գումար խնայելու և մթնոլորտի վնասակար արտանետումները կրճատելու հնարավորություններին։ Հայաստանի բոլոր մարզերում՝ ներառյալ Արցախում, 1500-ից ավելի տեղադրումների և ինտենսիվ կրթական ծրագրերի միջոցով՝ ընկերությունը ոչ միայն խթանում է ոլրոտի զարգացումը, այլև նպաստում է մեր երկրի անկախ և անվտանգ էներգահամակարգի ստեղծմանը։ Ներդրվել են նաև արևային էներգիայի լաբորատորիաներ՝ խրախուսելու արևային էներգետիկայի մասին իրազեկումն ու կրթությունը։
Արտադրություն
Armos ընկերությունը հայկական առաջին բրենդային ընկերությունն է, որը հիմնադրվել է 1992 թվականին և ունի շուրջ երեսուն տարվա բարձր վարկանիշ:
Վաճառք,Առևտուր
KAISER սուպերմարկետների ցանցը արդեն երկար տարիներ առաջարկում է հաճախորդներին բարձրորակ ծառայություններ։ Մեր աշխատակիցները միշտ պատրաստակամ են օգնելու Ձեզ ընտրել լավագույնը, գտնել ձեր ցանկալի ապրանքը, կատարել ճիշտ գնումներ։
Մեդիա և ԶԼՄ -ներ
«ՇԱՆԹ» հեռուստաընկերությունը հիմնադրվել է Արթուր Եզեկյանի կողմից, 1994թ.-ին, Հայաստանի երկրորդ քաղաք Գյումրիում: 2001թ. մարտից արդեն «ՇԱՆԹ» հեռուստաընկերությունը սկսեց կանոնավոր հեռարձակումը նաև մայրաքաղաք Երևանում: Ընդամենը մի քանի (3-4) տարում «ՇԱՆԹ»-ին հաջողվեց դառնալ մայրաքաղաքի առաջատար հեռուստաընկերություններից մեկը, որին ամենաշատն են հավատում և վստահում:
Արտադրություն
" Ինտերնեյշնլ Մասիս Տաբակ" ՍՊ ընկերությունը գտնվում է ք. Մասիսում, զբաղվում է ծխախոտի վերամշակմամբ և սիգարետի արտադրությամբ: Ընկերության արտադրանքը սպառվում է ինչպես տեղական շուկայում, այնպես էլ արտահանվում է:
Ռեստորաններ, Հանրային սնունդ
«Երեմյան Փրոջեքթս»–ի յուրաքանչյուր բիզնես նախաձեռնություն անշուշտ միտված է հանդես գալու խոհարարական ստեղծագործական նորարարությամբ ու նոր ասելիքով: Բացառություն չէր նաև «Շերեփ» ռեստորանը, որն առաջինն է Հայաստանում ցուցադրում մեծ, բաց խոհանոց, ինչի շնորհիվ հաճախորդը կարող է հետևել յուրաքանչյուր ուտեստի պատրաստման գործընթացին, ավելի մոտ գտնվել խոհարարական արվեստին:
Ճարտարապետություն, Շինարարություն
«Միկշին» շինարարական ընկերությունը հիմնադրվել է 2007 թվականին: Հաշվի առնելով բարձր որակի արտադրողականությունը, նույն տարում այն ընդլայնել է իր գործունեության ոլորտները, հիմնելով սկզբում փայտի եւ կահույքի, ապա նաև մետաղական պատուհանների եւ դռների արտադրություն: «Երազ» բնակելի համալիրը և «Երազ» բիզնես կենտրոնը լիովին կառուցապատվել է «Միկշին» ՍՊԸ-ի կողմից: Շնորհիվ որակյալ մասնագետների եւ առաջադեմ տեխնոլոգիաների, աշխատանքների ցանկացած ծավալ ընկերությունում իրականացվում է շատ արագ և արդյունավետ:
Ճարտարապետություն, Շինարարություն
«Կոնսէլ» ՍՊԸ-ն հիմնադրվել է 2001թ.-ին որպես օդակարգավորման և օդափոխման համակարգերի վաճառքի և սպասարկման մասնագիտացված ընկերություն: Կարճ ժամանակում ստանալով արագ զարգացում` արդեն 2002թ.-ին ընկերությունը հայկական շուկայում ներկայացավ որպես ոլորտի համաշխարհային հսկաներից մեկի` Mitsubishi Electric ընկերության պաշտոնական դիստրիբյուտորը, իսկ ավելի ուշ մեկ այլ առաջատարի` Toshiba & Carrier ընկերության պաշտոնական դիստրիբյուտորը Հայաստանում: Հետագայում ընկերության կողմից առաջարկվող ծառայությունների պորտֆոլիոն ընդլայնվեց, որի արդյունքում ընկերությունն այսօր սպառողին է առաջարկում առավել համալիր լուծումներ ինչպես օդափոխման և օդակարգավորման, այնպես էլ ջեռուցման, լուսավորման և անվտանգության ոլորտներում:
Ճարտարապետություն, Շինարարություն
«ԱՍԷԴԼ» ՍՊԸ-ն հիմնադրվել է 2004թ.-ին և մինչ այժմ զբաղվում է արտադրության համար նախատեսված հաստոցների, տարբեր շինարարական աքսեսուարների՝ բռնակներ, փականներ, ծխնիներ, ամրակային դետալներ և այլն) մանրածախ և մեծածախ վաճառքով: «ԱՍԷԴԼ» ՍՊԸ-ն հանդիսանում է ապակյա և ֆասադային կոնստրուկցիաներ արտադրող առաջատար ընկերությունը Հայաստանում: